Korang ghaso2 kan nie gambar apo nie? Hah..Jangan salah paham yo dik non..ni gambar tapak kaki eden yo. Dah dokek ompek(4) haghi eden jalan mcm mulo2 nak baik daghi patah kaki maghin. Hari pertama tu takla sakit bonar semakin hari semakin sakit lak. Tapak kaki bongkak tu hah..ubek den tulah hah minyak gamat yo. Haiiyolah..dah nak tokono kan..nasiblah kan.
Apo punco eh? Nak den kobar an ghaso malu pun ado. Mato den nie patut kono bagi yo kek oghang buto nun hah. Sib baik den tak tergolek maso den tokono bondo alah tu hah. Den tokono kek umah den maso ghamai2 tulah. Takdo nak malu2 do, mang sakit gilo. Apolah nasib den..bebudak buek sepah kono kek den. Sib baiklaa den yang kono kot bebudak ko oghang tuo ko (den mudo laei yo...heheehe) eii..tak taulah kan?
Yang den sodih tu kan, bos den buek tak ghoti yo. Alangkan oghang len yang datang opis nie pun leh nampak ado gak nak menanyo kek den apo kono den jalan dengkat dengkot.
Den topijak bosi fail cd kek ghumah. Tapi leh laie den dukung si kocik tu poie umah motuo den. Adooiii aiii..sakit eh ai. Laki den takdo la bondo lain dok suoh den MC. Kot mc dok umah soghang samo yo kek opis nie hah. Beklah den dok opis buek kojo.
p/s: nasiblah sapo yang tak paham tu yo.....hahahaha
Tiada ulasan :
Catat Ulasan